Larrialdi zerbitzua arintzeko sistema jarriko dute eskualdeko ospitalean

Larrialdi zerbitzua arindu egingo du sistema honek, eta orain arteko itxaron aldiak murriztu egingo ditu. Larrialdietara doazen gaixoak, larritasunaren arabera sailkatuko dituzte. Larrienak, 5 minututan atendituko dituzte, eta zauri arinagoak dituena, berriz, ordubete baino gutxiagoan.

Triaje sistema du izena programa honek, eta gaur eta bihar, ikastaro bat egiten ari dira ospitaleko erizainak, sistema ahalik eta ondoen aplikatzeko.

Gaixoen sailkapena

Larrialdi zerbitzuetara doazenei, galdera batzuk egingo dizkiete, eta horrela, larrialdia zenbateraikoa den jakingo du erizainak. Batetik bostera sailkatu dituzte; bata izango da larriena.

Sistema honekin lortu nahi da, itxaron gelan zain dauden gaixoak ahalik eta lasterren, arinen, atenditzea.

Sistema berria

Andorran oso ondo funtzionatzen du sistema honek, eta Debagoieneko ospitaleko zuzendaritza talde bat, hara joan zen, dena bertatik bertara ikustea.

Andorraz gain, Palma de Mallorcako ospitalean ere badute sistema hau. Eskualdeko ospitalea hirugarrena da, beraz. Espainian, duela 2 urte hasi ziren sailkapen sistema honekin.

Iaz, 31.000

Egunean 85 herritar joaten dira eskualdeko ospitaleko larrialdi zerbitzuetara, bataz beste. Asteburuetan, kopurua igo egiten da. 2003. urtean, 31.000 herritar joan ziren larrialdi zerbitzuetara.

Urtetik urtera, gero eta gehiago joaten dira: ia %5 gehiago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.