Istripua goizeko 11:00ak baino lehenxeago gertatu da eta 3 autok elkar jo dute. 2 lagun zauritu dira eta Arrasateko Eskualde Ospitalera eraman dituzte. Istripuaren ondorioz, trafikoa etenda egon da Eskoriatzako sahiesbidean, baina esan bezala berriro zabaldu dute 12:35ean, Ertzaintzak azaldu duenez. Bien bitartean, sahiesbidetik joan behar zen trafiko guztia Eskoriatza barrutik desbideratu dute.