Aurtengo aurrekontua erabakitzeko orduan, Mankomunitateko lehendakaria den Inazio Lakunzak azaldu du oso garrantzitsua izan direla bertan ezarrita dagoen egitura berria eta baita ere iaz onartu zuten Plan Estrategiko berria.
Guztira aurten 7.439.190,45 euroko aurrekontua du Debagoieneko Mankomunitateak
Banaketa egiteko orduan, Ingurumen arloak hartu du aurrekontu zatirik handiena, %61,3. Garapen Agentziak %10,7 eta Lurralde Antolamenduaren arloak aurrekontuaren ehuneko 14,7 hartu du. Beste arloek eraman dute aurrekontuaren gainontzekoa.
Ingurumena garrantzitsu
Ingurumenari berebiziko garrantzia eman diote Mankomunitatean eta horri lotuta, Lakunza lehendakariari ahalmena eman diote Gipuzkoako hiri hondakinen kudeaketaren inguruan hartuko diren erabakietan eta negoziaketetan parte hartzeko.
Ingurumena da Mankomunitatearen arlorik garrantzitsuena eta atzoko bileran onartu zuten aholkularitza zerbitzu bat izango dutela Agenda 21 programarekin aurrera egiteko.