Debagoieneko 8 Udalek eratuko dute Udaltalde 21. Diru laguntzak eskatzeko ezinbestekoa da udaltaldea sortzea. Gero, Udal bakoitzak Agenda 21 egitasmoaren ekintzak gauzatu ahal izango ditu. Debagoieneko Mankomunitateko Udaltalde 21 egitasmoko koordinatzaile da Marta Garmendia. Berak esan digu Udalek ingurumenarekin, ekonomiarekin eta gizartearekin lotutako ekintzak egieko aukera izango dutela hitzarmen horri esker.
Ingurune jasangarria lortzea da asmoa
Ehun mila euroko aurrekontua izango dute Udalek aurreneko fasean. Horietatik,% 50 Ihobek jarriko du, %30 Diputazioak, eta dagoeneko Diputazioak onartu du diru-laguntza hori bideratzea, eta gainerako dirua Udalek jarriko dute. Lehenengo fasean, diagnostikoa egingo du kontsultora batek udalerri bakoitzean, gero foroak sortuko dira eztabaidatzeko eta erabakitzeko zein ekintza egin.
Fase hori gaindituta, Udal bakoitzak urteroko aurrekontuetan sartu beharko du Agenda 21-eko egitasmo bat. Ingurumenarekin, ekomoniarekin eta gizartearekin du zerikusia Agenda 21-ek, eta azken helburua du jasagarritasuna lortzea.