Kutxak Gipuzkoako ikasle onenak saritu zituen pasa den martitzenean, abenduak 2, Donostian. Horien artean lau debagoiendar: Maite Albes, Agurtzane Crespo, Lourdes Etxebarria eta Miren Igartua.
Karrera-amaierako sariak ematen ditu urtero Kutxak. 2002-2003 kurtsoan ikasketak burutu zituzten ikaslean saritu dituzte. Hori bai, euren ikasketetan emaitzarik onenak lortu dituztenak. Lizentziatu, goi-mailako ingeniari eta arkitektoek 1.350 euroko saria jaso dute; eta diplomatu, ingeniari tekniko eta maixuek 1.050 eurokoa.
Ibarreko ikasle finenak
Maite Albes arrasatearrak ingenieritza teknikoa ikasi du, eta orain Madrilen ikasten ari da. Agurtzane Crespo bergararrak Giza zientziak-Enpresa ikasi du. Lourdes Etxebarria gatzagarra Hizkuntzen Psikopedagogian lizentziatu da. Azkenik, Miren Igartua aretxabaletarrak Haur Hezkuntzako ikasketak burutu ditu. Laurek Mondragon Unibertsitatean ikasi zuten.