Hokey lineako alebinen Espainiako Ligako denboraldi hasierako partidak jokatuko dira Bergarako Labegaraieta kiroldegian zapatuan, azaroak 7. Madril, Jaen, Ourense zein Valladolidetik etorritako taldeak lehiatuko dira, Burdiñolarekin batera; sei talde guzira, 80 hockey jokalari baino gehiago.
Lehen partidua 10:00etan izango da eta 18:30ean azkena. Burdinolaren youtube kanaletik ere ikusi ahal izango dira.
- 10:00etan: Burdinola - Club Xauen Patina Lagartos (Jaen)
- 11:15ean: Morcegos (Ourense) - Tres Cantos (Madril)
- 12:30ean: CPL Valladolid - Joker Floors Las Rozas (Madril)
- 16:00etan: Morcegos - Burdiñola
- 17:15ean: Joker Floors Las Rozas - Club Xauen Patina Lagartos
- 18:30ean: Tres Cantos - CPL Valladolid
Liga ezberdinetan lehian
Burdinola irristaketa elkartea 2017an sortu zen. Egun 150 ume, gazte eta nagusik hartzen dute parte astean Labegaraietan egiten dituzten entrenamenduetan. Euskadiko ligako kategoria guztietan lehiatzen da –kategoria batzuetan bi talderekin– eta Espainiako Ligan ere maila bakoitzean du talde bat, infantiletan bi.