Udalak adierazi du, orain arte modu komunitarioan erabili izan dela espazioa bertako haur, guraso eta zaintzaileen aldetik. Izaera komunitario hori mantentzen jarraitu gura du Udalak, eta aurreratu du "neurri egokiak" aztertzen ari dela Txiki Txokoa lehenbailehen berriro irekitzeko. Aurreratu dutenez, aukeretako bat da gunera sartzeko identifikazio-txartel bidezko sistema jartzea.
Udalak herritarrek dei egin die gunea zaintzeko: "Txiki Txokoa denona da, eta denon artean zaindu behar da. Neurriak zehaztu ahala, Udalak jakinaraziko du zer erabaki den, noiz eta nola irekiko den berriro ere". Azaldu dute pare bat astez egongo dela itxita.