Egun berezia izan da gaurkoa Oxirondo azokarentzat: bigarren urtez jarraian, Verdury Hall jaia ospatu dute, Oxirondoko komunitatea batzeko helburuarekin. Bertako produktuekin eginiko paella bazkaldu dute Oxirondo azokan bertan, eta bazkalostea Amustei talde bergararrak girotu du Katabian eman duen kontzertuarekin.
Duela bi urte zabaldu zuten Elikaenea azoka biziberritzeko asmoarekin eta hango ordezkari Ainhoa Narbaizak adierazi du Verdury Hall Oxirondo plazan eta azokan egitea "oso berezia" izan dela. Euriagatik azoka barruan egin behar izan dute bazkaria, baina modu positiboan baloratu du hori: "Herritar ugari egon dira laguntzen eta giro aparta egon da".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.