Bihar, herriko hainbat puntutan informazio mahaiak jarriko dituzte; herritarrek dohaintzak egiteko aukera izango dute eta paparrean jartzeko lazo arrosak emango dizkiete haiei. Azaroaren 15ean, berriz, martxa egingo da Donostian, eta Bergaratik autobusa aterako da 09:00etan. Itzulerako autobusa 14:00etan izango da –bazkaria egongo da Agorrosinen–. Martxaren amaieran, ekitaldia egingo dute eta gutxi gorabehera 30.000 euroko txekea emango diete Bio-Gipuzkoari. Movemberrekin ere egingo dute bat, eta urteroko Agorrosingo pedalkadak babestuko dituzte.
Kamisetak eta autobuseko nahiz bazkarirako txartelak Bego&Mariaje ile-apaindegian eros daitezke 09:30etik 12:30era eta 15:30etik 18:00etara bitartean. Halaber, herriko komertzio gehienetan salgai daude loteria partizipazioak, eta adierazi dute ez dela inolako arazorik egongo txartel-sortekin, "loteriako profesionalen elkargo ofizialak emandakoak baitaira, eta behar bezala identifikatzeko ikur ikusgarriak baitituzte".
Urtea amaitzeko, Gabonetako artisautza-azoka antolatuko dute.