Bergarako kartzela zaharrak This is hardcore not Spain proiektuaren aurkezpena hartuko du bihar, Angiolillo liburutegiaren eskutik. Egitaraua 18:30ean hasiko da, proiektuari buruzko hitzaldiarekin eta Gotzon Hermosilla kazetariarekin Euskal Herriko hardcore punk mugimenduaren inguruan egingo duten hausnarketarekin.
19:30ean, luntxa egingo dute, eta 20:00etan, kontzertuak hasiko dira. Hain zuzen ere, Euskal Herriko Erruki Jauna, Doministikum eta BOTH taldeek eta Kataluniako Crida Salvatge, Los Monos de Chocolate eta Animal Farm taldeek joko dute. Sarrera zortzi euro da.
This is hardcore not Spain bildumak 80 talderen ekarpenak bildu ditu. Hardcore punk eszenaren aniztasuna erakustea eta Espainiaren egitura politiko eta kulturalari kritika egitea du helburu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.