Emaitza bikainak eskuratzen jarraitzen du Ariznoa Oilagorra elkarteko Iban Igartua bergararrak ehiza txikiko txapelketan. Zapatuan jokatu zuten Euskadiko txapelketa, eta hirugarrena izan zen senior mailan, Lanbro txakurrarekin. Haren aurretik geratu ziren Julen Unzalu, irabazlea, eta Mikel Torne. Lehen hiru sailkatuak hurrengo fasera igaro dira, eta horrenbestez, Espainiako Txapelketako iparraldeko finalerdiak jokatuko dituzte azaroaren 21etik eta 22ra bitartean. Igartuak berak aurreratu du, oraindik lekua zehaztu gabe dagoela.
Asteburuko hirugarren postua, aurten lortzen ari den beste emaitza onetako bat izan da. Izan ere, bigarrena izan zen zonaldeko txapelketan eta Gipuzkoako txapelketan.
