Alize Sagarduirekin osatu du bikotea finalean Arrate Bergarak, eta Aizane Ibarrola eta Udane Ozaeta izan dituzte aurkari, Bizkaia frontoiko harmailetan zeuden 2.200 zaleren aurrean.
Partiduak bi zati izan ditu. Lehen zatia gorriena izan da eta hainbat unetan aurretik izan dira Sagardui eta Bergara (7-3 eta 9-5). Baina bigarren zatian urdinak gehiago izan dira, gehienez bost tantoko aldea hartuta. Unerik zailenean, 17-11 joan dira atzetik gorriak. Ondoren, erreakzio polita izan dute, eta partida berdintzea lortu (19-19)
Hala ere, aurrelari goizuetarrak saketik falta egin du eta, hurrengo tantoan, bergararrak txapara bidali du dejada. Hortxe egin diete ihes txapelak (22-19).