Azken egunean, goizean, Palestinako Titeres taldearen esperientzia ezagutzeko aukera izan da Kartzela Zaharrean. Arratsaldean, berriz, Anonimos ikuskizuna izan da Seminarixoan, eta Mostrari amaiera emateko, La FAM konpainiaren Aquiles ikuskizunak hartu ditu Bergarako kaleak.
Bost metroko erraldoia
Iluntzeko ikuskizunaren protagonista bost metro inguruko txotxongilo erraldoia izan da. Aranzadi Ikastolako patioan abiatu eta bertan amaitu da emanaldia, eta tarte horretan Aquiles herriko kaleetan barrena ibili da, inguruan suzko ikuskizunak zituela. Jende ugari bildu da txotxongilo erraldoiaren inguruan, haren ibilbidea jarraitzeko.
