Bergarako eta inguruko herrietako gazte ugari batu dira Boluako frontoian, Bergarako Mugimendu Sozialistak antolatutako egitarauaz gozatzeko. Bailarako hainbat boxeolarik hartu zuten parte jaialdian eta ostean egon ziren kontzertuetan ere batu zen jendea. Mugimendu Sozialistako kideek adierazi dute "oso pozik" daudela jasotako erantzunarekin. "Bergarako eta inguruko jende mordoa egon zen arratsaldean zein gauean. Egitaraua, oro har, ondo egon zen. Boxeo jaialdian eta kontzertuetan beteta egon zen frontoia, eta gau aldera arte luzatu genuen jaia", adierazi dute.