Bergarako Musika eta Dantza Eskolak (BMDE) iragarri duen eskaintza berrian daude, gazteentzako ikasketa berria –musikarekin lehen aldiz harremanetan jartzeko edo musika ikasketetan beste urrats bat emateko aukera–, helduentzako hizkuntza musikala –musika ezagutzeko eta modu praktiko atseginean ikasteko proposamena– eta plaza libreak instrumentuetan.
Era berean, BMDEk dituen bi abesbatzetan izena eman ahal izango dute kantatzea gustuko duten haurrek. Adierazi dute, musika egitea ez dela soilik instrumentu bat jotzea: "Ahotsa ere musika egiteko tresna da, eta abesbatzen bidez haurrek kantatzea, elkarrekin aritzea eta musikaz taldean gozatzea lantzen dute".
Jubilatuentzako musika eta dantza
Aurreko ikasturteetan bezala, erretiratuen musika eta dantza ikastaroek ere jarraipena izango dute Musika Hizkuntzarekin eta Euskal Dantzekin. Saioak urrian hasiko dira, eta parte hartzeko interesa dutenek, informazio gehiago jaso ahalko dute BMDEn edo San Joxepe Erretiratuen elkartean.
Bestalde, aurreko ikasturteetan bezala, jubilatuentzako musika eta dantza proposamenek ere jarraipena izango dute aurten. Horrela, jubilatuei zuzendutako Musika Hizkuntzako eta Euskal Dantzetako ikastaroak eskainiko dira. Jubilatuentzako ikastaro hauek urrian hasiko dira, eta parte hartzeko interesa dutenek informazio gehiago jaso ahal izango dute Musika eta Dantza Eskolan bertan edo jubilatuen egoitzan.