"Herrigintzaren, memoriaren eta konpromiso kolektiboaren" aitortza jasoko dute duela 50 urteko Alkateen Mugimenduan parte hartu zuten bost alkatek. Domekan egingo zaie aitortza bi gertaerak gogoan izango dituen ekitaldi politiko-instituzionalean, eta, bertan banatuko zaizkie Azkaratek egindako bost lanez osatutako Gure paisaia eraikitzaileak seriea.
Belaunaldiartekotasuna ardatz
Lana komunitatearen, memoriaren eta bizikdetzaren eraikuntza kolektiboari buruzko hausnarketa da, eta belaunaldi desberdinen arteko topagune izateko asmoz egin du artista bergararrak. Horretarako, kartoiak, koloretako kartulinak, egunkari zatiak eta spray bidez sortutako aztarnak material gisa erabili ditu; forma, kolore eta testuren bidez mezu kolektibo bat eraikiz.