Uztailaren 5ean izango den erromeriako txosna eta kantina ustiatzeko sei eragile aurkeztu dira, eta, ustiapeneko baldintzak eta zozketari dagokion akta kontuan harturik, Jaiak Denontzat taldeak kudeatuko du txosna, eta Artatse Elkarteak kantina. Itxarote-zerrendan geratu dira lau talde hauek, hurrenkera honetan: Gure Artera-Sare, LAB sindikatua, Harrera elkartea eta Bergara Aurrera.
Erromeriarako mahaiak eta aulkiak alokatu dituztenek uztailaren 4an jaso ahal izango dituzte, eta Udalak jakinarazi du mantentze-lanak direla-eta kuadrillek ezingo dutela eremurik zintekin gorde uztailaren 3ko 15:00ak baino lehen.