Bergarako Itasuako ELA eta LAB enpresa-batzordeak jakinarazi duenez, hiru greba egun egingo dituzte: ekainaren 29an eta uztailaren 8 eta 10ean, hain zuzen. Diotenez, "sei negoziazio-bilera" egin dituzte zuzendaritzarekin, baina bi aldeen arteko jarrerak ez dira hurbildu. Gainera, salatu dute azken enpresa proposamenetan, absentismoa argudiatuta. "atzerapausoak" eman direla, langileek jasotzen duten bonuaren baldintzak okertuz.
Batzordearen esanetan, helburua da Bergarako langileen lan-baldintzak inguruko antzeko enpresetakoekin "parekatzea". Gaur egun, soldatetan, lanaldian eta bestelako baldintzetan "alde handiak" daudela diote, eta enpresak egoera hori zuzentzeko gaitasun ekonomikoa baduela uste dute. Horregatik, negoziazioa desblokeatzeko eta lan-baldintzak hobetzeko neurriak eskatu dituzte. Zarautzen ere egingo dituzte lanuzteok, kasu horretan ELAk deituta.