Hain zuzen ere, Leon XIV Aita Santuaren Bidaia Apostolikoari eskainitako kupoitzarrak utzi du aipatutako saria. Guztira 2.760.000 euro banatu dira sei autonomia erkidegotako udalerritan. Sarituak suertatu diren 69 kupoietako 20 saldu dira Bergaran.
Pozez gainezka harrapatu du Lopez GOIENAk gaur arratsaldean, martitzena, Irala kaleko kioskoan lanean ari zen bitartean. Azaldu duenez, 15 kupoi Irrintzi tabernan saldu dituzte: "Egubakoitzero eramaten ditut hara txartelak. Han 15 saldu zituzten, eta bost hemen saldu ditut". Aitortu du, opariak egin dizkiotela herrian banatu duen sariagatik.
27 urte daramatza ONCEn lanean Igone Lopezek, eta ez da banatu duen sari bakarra. Gogoan du, "duela urte asko" bost milioi pezeta banatu zituela kupoi batean.
