Gran Maratón Montañas de Benasque probaren barruan hiru ibilbide daude: 19, 28 eta 42 kilometroko probak. Jokin Etxabek erdiko distantziakoa egin du. "Igoera luze bat eta jaitsiera luze bat ditu probak. 2.700 metroko altueraraino heldu ginen, eta handik Aneto, Posets, Madaleta eta beste hainbat mendi ikus ahal izatea, gozamena izan da. Pirinioak era horretan ikustea plazera izan da", azpimarratu du.
Lasterketa hasieratik hartu du abantaila bergararrak, eta gai izan da bukaeraraino mantentzeko. "Gorputzaldi onarekin etorri naiz, eta modu ederra izan da denboraldia bukatzeko".
