Eskaera bakoitzean gehienez ere bost mahai eskatu ahal izango dira, eta alokatzen den mahai bakoitzeko gehienez ere zortzi aulki eskatu ahal izango dira. Fidantza jarri beharko da: gehienez ere hiru mahai eskatzen diren kasuan, 150 euro; lau edo bost mahai eskatuz gero, 300 euro.
Behin eskaerak eginda, uztailaren 4an jaso ahal izango dira San Martzialgo kanparako sarreran, 17:00etatik 20:00etara, eta itzuli, erromeriaren ondoren, uztailaren 5ean, egin beharko da jasotako leku berean 18:30etik 20:30era. Udalak jakinarazi du, materiala entregatzean zigilua jarriko dutela, eta ezinbestekoa izango dela alokairua egiterakoan jasotako agiria aurkeztea.
Halaber, fidantzak uztailaren 7an eta 8an itzuliko dira, 17:30etik 20:30era, Seminarixoko leihatilan. Udalak azpimarratu du ezinbestekoa dela materiala emandako egoera berean eta ezarritako ordutegian itzultzea: "Baldintza horiek betetzen ez diren kasuetan, ez da zigilurik jasoko eta, ondorioz, fidantza galdu egingo da".