EAJko bozeramaile Kepa Sebalek adierazi du, arazoaren jatorria EH Bilduk Seminaroko patioaren azpian aparkalekua ez eraikitzeko hartutako erabakian dagoela, eta horrek eragin duela gaur egungo egoera: "Orain planteatutako proposamenak ez du jatorrizko hirigintza plangintza betetzen, garajeetarko sarbidea Ibargaraitik egin behar dela ezartzen baitu, ez Ikerlekutik".
Sebalek gaineratu du ikerleku oinezkoak erabiltzeko espazioa dela, eta proiektatutako 24 garajeetara sartzeko ibilgailuen "etengabeko zirkulazioa" ahalbidetzeak eremua zeharkatzen dutenen segurtasuna arriskuan jarriko lukeela, "trafiko etengabea sortuz".