Atzo, domeka, jokatu zen Gipuzkoako Eskola Arteko Igeriketa Txapelketa Zumaian, eta 2015ean jaiotako Bergarako Igeri Elkarteko igerilariek hartu zuten parte. Goizean, igerilariek 50 metro tximeleta eta 100 metro bizkar probak jokatu zituzten; arratsaldean, berriz, 100 metro bular eta 100 metro libre. Horrez gain, neskek 4x50 estiloetako eta 4x50 libreko erreleboetan parte hartzeko aukera izan zuten.
Bergarako Igeri Elkarteko igerilari Iraide Beristain bigarrena izan zen 50 metro tximeleta eta 100 metro bular modalitateetan; hirugarrena, berriz, 100 metro bizkar eta 100 metro libre modalitateetan. Halaber, 4x50 estiloetako erreleboan hirugarren postua lortu zuten neskek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.