Bergarako pilotariek atzo, egubakoitza, hasi zuten Herriarteko txapelketa, eta joaneko partiduetatik pozik egoteko moduko emaitzak ekarri zituzten. Kadete mailan Amasa Billabonako Elosegik eta Larrartek Bergarako Fernandez eta Muruamendiarazen kontra neurtu zituzten indarrak, eta mahoneroek hor eman zuten iluntzeko lehenengo kolpea, 14-22 irabazita. Gazte mailakoa izan zen Bergarak galdu zuen partidu bakarra (22-18), baina oso neurketa parekatua izan zen, eta galduta ere, Contreras eta Etxabe 18 tanto egiteko kapaz izan ziren, eta itzuliko norgehiagokan edozer gerta daiteke.
Eta, senior mailan borobildu zuten bergararrek arratsaldea. Amasa Billabonako Aranburu eta Oñatek etxean jokatuta ere ezin izan zuten Etxanizeneta Martinen kontra ezer egin, eta 2-22 nagusitu ziren azken hauek. Hala, emaitza horrek ere abantaila handia ematen die datorren asteburuan Bergaran jokatuko duten kanporaketarako.
