11:30ean hasi da ekitaldia Laboratoriumean, eta handik Ariznoa plazara abiatu dira dantzariak, Bergarako Musika Eskolako trikitilariek lagunduta. Amaitzeko, Munibe plazan egin dituzte azken koreografiak, ikusle ugari inguruan zituztela.
Bergarako Dantza Eskola, Taupa Dantza Taldea, Abarka Dantza Taldea, Moises Azpiazu eta Camden Dance Studio izan dira parte hartu duten taldeak. Guztira, 200 lagun inguruk hartu dute parte, askotariko estiloetako dantzak eskainiz. Aurtengo berritasunetako bat izan da Abarka Dantza Taldearen parte hartzea; lehen aldiz batu dira ekimenera.