Denbora horrekin, bigarren lekuan bukatu dute finalerdietako seriea, eta bihar, domeka, jokatuko den finalerako txartela lortu du korrikalari bergararrak. Hala, sari bikoitza jaso du Calbanok, gaurko probaren ostean.
World Athletics Relays proba bi urtean behin ospatzen den errelebo-lasterketen da. Batzuetan, lehiaketa honek Munduko Errelebo Txapelketa izena hartu izan du; hala ere, World Athleticsek ez du munduko txapelketatzat hartzen, eta garaileek ez dute beren burua munduko txapelduntzat hartzen.
Gaur egun, World Athletics Relays Munduko Atletismo Txapelketarako sailkapen proba da, eta munduko txapeldunak dira txapelketa honetako proba bakoitzean irabazten dutenak. Hala, 2027ko Munduko Txapelketa horretan egongo da Andoni Calbano, errelebo mistoan, Botsuanan lortutako markari esker.