Domekara arte egongo da ikusgai Dolmenen Ibilbidearen inguruko erakusketa, Aroztegian. Bertan, Elgoibar, Bergara eta Soraluze artean dagoen Dolmenen Ibilbideko trikuharrietan egindako aurkikuntzak ikusteko aukera dago.
Hilaren 30etik aurrera, berriz, historiaurrea zein arkeologia atzean utzi eta artearen munduan murgilduko da aretoa. Horretarako, Baionako Kortsarioak galeriako artisten lanak egongo dira ikusgai. "Oso pozik gaude Bergarako Aroztegi areto ederrean erakusketa berri bat par- tekatu ahal izango dugulako", azaldu du Kortsarioen lehendakari Andre Goupillek.
Astelehenetik ostiralera 18:00etatik 20:30era, larunbatetan 12:00etatik 14:00etara eta 18:00etatik 20:30era eta igande zein jaiegunetan 12:00etatik 14:00etara ikusi ahalko da erakusketa, maiatzaren 17ra arte.