Guztira, 32 pilotari ariko dira gizonezkoen kategorietan –hamasei bikote, promes eta senior mailetan banatuta–, eta emakumezkoen txapelketan beste zortzi bikotek hartuko dute parte; azken horiek finalaurrekoetatik hasiko dute lehia. Bergara Kirol Elkarteak antolatutako txapelketak aurten ere maila handiko parte-hartzea bildu du.
Finalaurrekoak maiatzaren 12an eta 19an izango dira, eta egun horietan abiatuko da emakumezkoen lehia ere. Txapelke- ta maiatzaren 25ean, Pentekoste astelehenean, jai giroan amai- tuko da, 18:30ean jokatuko diren hiru finalekin, eta orduan erabakiko da nortzuek jantziko duten aurtengo Bergara Hiria lehiaketako txapela.
Aurtengo edizioan hiru debagoiendar lehiatuko dira: Arrate Bergara, Haritz Etxabe eta Aratz Ormaetxea bergararrak. Arrate Bergarak emakumeen txapelketan jokatuko du eta bi mutilek promesetan hartuko dute parte