Espainiar estatuko hainbat talde lehiatuko dira egun osoan zehar, eta Burdinolako kideek azaldu dutenez, "maila handiko norgehiagokak" ikusi ahal izango dira. Parte hartuko duten taldeen artean, Torrelavega, Burdinola, Rolling, Gadex, CPL Madrid eta Panteras, besteak beste. Jardunaldiak sei partidu izango ditu, arratsaldera arte iraungo den "kirol egitarau erakargarriarekin".
Jardunaldiak emakumezkoen kirolaren aldeko apustua indartzen duela nabarmendu dute Burdinolako kideek, eta "aukera paregabea" dela zaleek "maila goreneko hockeya" bertatik bertara ikusteko. Hala, antolatzaileek herritarrak eta kirolzaleak animatu dituzte Labegaraietara joateko, "giro bikainaz eta lehia zirraragarriez gozatzera".
Azkenik, azaldu dute babesleen eta erakunde laguntzaileen ekarpenari esker egingo dutela jardunaldia, eta tokiko eta inguruko enpresen inplikazioa nabarmendu dute.
