Mikroa eskuetan, zarauztarra bakarrik dago taularen gainean, eta, hasiera baten bakarrizketa saio bat soilik dirudien arren, hori baino gehiago dela dio artistak: "Performance garaikide bat dela esaten dut; hau da, hitzak, musika elektronikoa eta irudiak uztartzen dituen ikuskizuna. 55 minuturen bueltan askotariko gaien inguruan jarduten dut, umorez eta euskaraz; esaterako, bizimoduaren abiadurari, naturarekiko deskonexioari, zoriontasunaren bilaketa amaigabeari eta maskulinitateari buruz".
Epelde da ikuskizunaren sortzaile nagusia, baina alboan izan ditu honako horiek: Julen Idigorasek sortu du musika; Manex Artola eta Unai Bordak ikus-entzunezkoak; Iraia Eliasek eta Ainhoa Alberdik osatu dute zuzendaritza-artistikoa eta Julen Landa da argiztapenaren arduraduna.