Etorkizuneko industria inspiratzen duten emakumeak mahai-inguruan SPRI taldeko ordezkariek kokatuko dute sektorearen egoera. 2020an sortutako Women in Manufacturing aditu-taldeko kide Irati Bizkarguenagak emakumeen industrian duten presentziari eta joerei buruzko datu nagusiak aurkeztuko ditu.
Ondoren, mahai-inguruan hartuko dute parte Talleres Altubeko zuzendari Ainara Sedanok, TTT Groupeko gerente Oihane Larrañagak, Zerbimek enpresako tornera Sonia Duranek, Talleres de Precision enpresako artezketa-lanetako profesional Oiihana Sainzek eta Miguel Altuna LHIIko irakasle Maider Gandariasek. Industriaren barruan dauden errealitate eta ibilbide desberdinak erakutsiko dituzte.
Parte-hartzeko izen-ematea
Ekitaldia DBHko eta Batxilergoko ikasleei, irakasleei eta orientatzaileei eta inguruko erakundeei zuzenduta dago. Laboratorium Museotik aurreratu dute ia plaza gehienak beteta daudela, eta parte hartu nahi dutenek museora deitu behar dutela lekua erreserbatzeko (943 76 90 03).