Abiadura Handiko Trenaren bidez Euskal Autonomia Erkidegoko hiriburuak konektatzeko funtsezko puntua da Angiozarren kokatuta dagoen Bergarako lotunea, eta inbertsio metatua 622 milioi eurokoa da, guztira, Espainiako Garraio eta Mugikortasun Iraunkorreko ministroak adierazitakoaren arabera. Joan zen egubakoitzean izan zen Bergaran, azpiegitura bisitatu eta azken aurrerapenak egiaztatzeko.
Ministroak bere sare sozialetan argitaratu duenez, "hurrengo etapak gainegituraren fasea garatzea aurreikusten du, trenbidearen muntaketa eta elektrifikazioa barne. Alderdi horiek funtsezkoak dira trenbide-nodo hori martxan jartzeko".
Horrekin batera, nabarmendu du, "urtebete baino gutxiagoan, Euskal Y-aren trenbide-plataforma amaituta ikusiko" dugula.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.