Bergarako Udalak adierazi duenez gida hauek "herriko kirol instalazioetan erabiliko dira hemendik aurrera", eta, honekin, kantxan zein harmailetan "giro osasuntsua eta hezitzailea" sustatzea da helburua.
Ikusle onaren dekalogoa
Errespetuzko jarreraren alde egiten du ikusleei zuzendutako dokumentuak, eta honako alderdiak dira nabarmentzekoak:
- Jokalari eta talde guztiak errespetatzea.
- Epaileen lana eta erabakiak onartzea.
- Instalazioak zaintzea eta garbi mantentzea.
- Aurkaria ez gutxiestea eta ospakizunak neurrian egitea.
- Gazte eta haurrentzat jokabide eredugarria izatea.
- Ekintza onak txalotzea, baita aurkarienak ere.
- Kritikak saihestu eta entrenatzaileen lana baloratzea.
- Jokabide desegokiak gaitzestea eta kiroltasuna sustatzea.
Kirolari onaren dekalogoa
Kirolaren dimentsio hezitzailea azpimarratzen du kirolarientzako dekalogoak, eta honako balioak jasotzen ditu:
- Kirola ikasteko eta hazteko bide gisa ulertzea.
- Esfortzua eta prozesua balioestea.
- Joko garbia eta arauak betetzea.
- Taldekideak, aurkariak eta epaileak beharrezkoak direla aitortzea.
- Probokazioak eta ospakizun gehiegizkoak saihestea.
- Lankidetza eta adiskidetasuna sustatzea.
- Irabazten eta galtzen jakitea, umiltasun eta kiroltasunez.
- Araudia betetzea, tranparik egin gabe.
- Taldea animatzea, beti errespetuz.