Adimen artifizialaren gorakada etengabekoa dela eta, udal ordezkariek nabarmendu dute tresna hau gero eta eskuragarriagoa eta erabilgarriagoa dela negozio txikientzat. Horregatik, 2 orduko saio honetan merkatariek aukera izango dute tresnaren oinarriak ulertzeko eta eguneroko lanean aplikatzeko moduak ezagutzeko, inolako ezagutza tekniko berezirik gabe. Jardunaldia 14:30etik 16:30era izango da, euskaraz, eta Nerea Oyarzabal, Gipuzkoako Ingeniaritza Industrialeko Elkargoko OAP teknikaria, izango da hizlaria.
Prestakuntzan zehar, parte hartzaileek Adimen Artifiziala zer den eta nola funtzionatzen duen azalpen ulerterrazez jasoko dute. Gainera, ChatGPT, NotebookLM eta Gemini tresnen bidez egindako adibide eta erakustaldi praktikoen bitartez, negozio txikietan izan ditzaketen aplikazioak ezagutuko dituzte. Gainera, saioaren barruan adimen artifizialaren erabilera arduratsua landuko da.