Otsailaren 27ra arte (egun hori barne) egin daitezke artisautza eta ganadu ferian parte hartzeko eskaerak. Udalak adierazi du, Erramu-zapatuko feria "ohiko moduan" antolatuko dela, 41 elikagai postutan eta 35 artisautza postutan banatuta. Puntu bidez esleituko dituzte postuak, eta puntuazioan berdinketaren bat bada, zozketa martxoaren 16an egingo dute.
Talo txosna eskatzeko azken eguna ere otsailaren 27a izango da (egun hori barne), eta postuaren esleipena zozketa bidez egingo dute martxoaren 16an, 12:00etan, Kerexeta gelan. Erramu-zapatu egunean talo txosna Seminarioko patioan egongo da eta 6x4 metroko gunea jarriko dute txosna instalatzeko.
Eusko Label produktuen txosnaren eskaerak, aldiz, martxoaren 4ra arte egin daitezke (egun hori barne), eta eskaerak irabazi asmorik gabeko Bergarako elkarteek eta udalerriak jarduera sare-aktiboa duten taldeek aurkeztu ditzakete. Honen esleipena ere zozketa bidez egingo da martxoaren 11n, Kerexeta gelan.
Interesdun guztiek eskatutako inprimakiak, bete beharreko baldintzak eta informazio osagarria Bergarako Udalaren webgunean dituzte. Halaber, ferixabergara@bergara.eus helbide elektronikora bidali daitezke eskaerak.