Lankidetza ereduan oinarritutako lan-ingurunea –coworking– eskaintzen die ekintzaileei Alkar lankidetza-guneak. Helburua da sinergiak sustatzea, ezagutzak partekatzea, elkarrekin ikasteko aukerak eskaintzea eta harreman profesionalak sendotzea.
Ekintzaileek lanerako postu propioa izango dute –mahaia eta aulkia– eta bilera gela, wifi-sarea, inprimagailua, arbela eta bestelako baliabideak izango dituzte eskura. Horretaz gain, espazio komunen mantentze-lanak, ura eta argindarra ere eskaintzen ditu zerbitzuak.
Eskaera baldintzak
Espazioa erabiltzeko, Bergaran edo Debagoienean erroldatutako ekintzaileek egin ditzakete eskaerak. Horretarako, negozio-plana eta bestelako dokumentazioa aurkeztu beharko dituzte, eta eskaerak puntuazio-sistema baten bidez baloratuko dituzte.
Bergarako Udalak adierazi duenez, aurkeztutako proiektuen bideragarritasuna eta Bergarako udalerriari ekar diezaioketen interesa izango dira balorazio irizpide nagusietako batzuk.