Bergarako lehiaketan, Iker eta Oxan bikotea nagusitu zen, eta batutakoaren %50a jaso zuten. Ane eta Ion Loidi gelditu ziren bigarren postuan; batutakoaren %30 eraman zuten etxera. Hirugarren tokian Ramos eta Ana gelditu ziren, eta txuletak jaso zituzten opari. Laugarren postua, aldiz, Unai eta Asier bikotearentzat izan zen, eta untxia eraman zuten etxera.
Lau bikote horiek izango dira horrenbestez Antzuolako frontoian jokatuko den Herrialdeko kanporaketan –Martxoaren 7an, 15:00etatik aurrera jokatuko da lehiaketa–. Final nagusia berriz, Amasa-Villabonan jokatuko da, martxoaren 28an.
Amaitzeko, Bergarako antolatzaileek "eskerrak" eman dizkiete egubakoitzeko kanporaketan laguntzaile bezala izan zirenei; Bergarako Udala, Gorka Harategia, Miner Ardoak, Arrano taberna, Imaz Harategia eta Artatse Elkarteari, hain zuzen.
