Komiki Films argitaletxeak argitaratu du liburua, eta Ihintza Tellabidek egingo du hitzaurrea Bergarako kartzela zaharrean. 2020an sortu zen Independentea.eus hedabidea, eta, sorrerarekin batera hasi zen Bidaurrazaga hedabidean artikuluak idazten. Artikulu horien bilduma bat egin, eta bertatik sortu du Distopia baten kronika.
Hain zuzen ere, idazlearen hitzetan, "2020. urtetik aurrera, pandemia dela-eta ezin sinistuzko bizipen eta gertakizunetan murgilduta, distopia batean bizitzen egotea" iruditu baitzaio: "Hedabidea urte gorri hartan sortu genuen, COVID distopian pairatzen hasi ginen zentsura eta operazio psikologikoaren aurrean antolatzeko beharrez, eta gaur arte".
Mediku eta ikerlari
Urte askoan EHUn eta UEUn irakasle eta ikerketa lanetan aritu zen Bidaurrazaga. 2021ean erretiroa hartu zuen, eta COVIDa iruzurra zela salatzeagatik hedabideetan "zentsuratua eta baztertua" izan zela dio. Hala, haren iritzia emateko leku bat izan da Independentea. eus, eta, hainbat artikulu idatzi ditu hedabidean.