"Urtarrileko egun hauetan egoitza guk ireki dugu, askotariko jarduerak izaten ditugulako, baina ez da taberna eta jatetxe zerbitzurik izan. Erreleboa hartu duen pertsona bat badago, baina Ogasuneko paper bat falta zaigu kontratua sinatu ahal izateko. Espero dugu astea amaitu aurretik helduko dela, eta astelehenean normaltasunera itzuliko garela", adierazi du San Joxepeko presidente Ignacio Ugartek.
Ardura eta ordutegi berbera
Orain arte bezala, arduradun berriak honako betebehar hauek izango ditu: tabernaren eta jatetxearen kudeaketa, lokalaren irekiera eta itxiera, sarrera eta irteeren kontrola eta gerta litezkeen intzidentzien lehen artatzea. Ordutegia ere orain artekoa izango da: astelehenetik zapatura 09:30etik 21:00etara eta domeketan zein jaiegunetan 11:00etatik 21:00etara.