Gipuzkoako Foru Aldundiak eta Bergarako Udalak elkarlanean Bergara plaza – Ongizatearen plaza egitasmoa antolatu dute urtarrilaren 15erako eta 16rako, Seminarixoan. Aldundiak iaz abiarazi zuen egitasmoa da Ongizatearen plaza, eta haren helburua da "plazak ongizate indibidual eta kolektiboari buruzko hausnarketa- eta topaketa-gune bihurtzea". Zarautzen izan zuen lehen geltokia ekimenak, eta, Aldundiak jakinarazi duenez, "arrakasta handia" izan zuen.
Ongizate integrala bultzatzeko
Herritar guztiei zuzendutako egitasmoa da, eta, proiektuaren helburu nagusia "Gipuzkoako herritarren ongizate integrala bultzatzea" den arren, "gaur egungo errealitate eta arazo sozial berrien inguruko hausnarketa sustatzea" ere badute helburu ekimenaren bitartez. Horretarako, "zahartze eta elikadura osasuntsua, osasun mentala, bakardadea" eta herritarren egunerokoan eragiten duten bestelako gaiak jorratzen dituzten hitzaldiak, elkarrizketa-gune irekiak, podcastak eta tailer parte hartzaileak antolatu dituzte Bergarako Seminarixoan.
Honako hau da urtarrilaren 15erako zein 16rako antolatutako egitaraua.