Bergara Hiria emakumezkoen saskibaloi txapelketa jokatu dute gaur, abenduak 28, Labegaraietako kiroldegian. Infantil eta kadete mailan Euskadik eta Nafarroak indarrak neurtu dituzte, eta, selekzio bakoitzak, garaipen bana eskuratu du.
Infantiletan 46-50 nagusitu dira nafarrak hasiera hobea baliatuz. Atsedenaldira 17-29 joan dira, eta, oro har, hamar puntuko errenta ondo kudeatzen jakin dute nafarrek. Azken txanpan ordea, Euskadik estutu egin du, eta nahi baino gehiago sufrituta irabazi du Nafarroak. Kadeteetan berriz, Euskadi izan da nagusi, hasi eta bukatu. 79-33 irabazi du etxeko selekzioak. Talde horretan aritu da jokatzen Maddi Lizarralde arrasatearra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.