Olentzero eta Mari Domingi Angiozarren izan dira goizean eta eguerdian heldu dira San Martin plazara. Orduan bota dituzte koloreetako puzgarriak eta konfetiak plazan.
Ikazkinak eta haren lagunak 18:00etan jasoko dituzte umeen gutunak udaletxeko arkupean. Goizean Angiozarren izan dira eta 19:00etarako Osintxura joatekoak dira. Galtzak bete lan dabiltza, beraz.
Giro aparta herrian
Animazio handia zegoen eguerdian Bergaran. Erdiguneko kaleetan jende asko bildu da eta herriko hainbat eskoletako ikasleek ipini dituzte pintxoak eta gozoak saltzeko postuak Irala kalean. Festa giroa zen nagusi, datorrenaren seinale.