Bergarako eskubaloi sailak antolatuta, urte askotan Gabonetan egin ohi duten Eskubaloi Eguna egin zuten zapatuan Labearaieta kiroldegiko kantxan. Infantil, kadete, jubenil zein senior kategoriatan jokatzen ari diren egungo jokalariak, gurasoak, lagunak edo jokalari ohiak izan zituzten aurkari. Goizetik iluntzera arteko eguna izan zen, partidu batek besteari erreleboa emanda. Kiroldegi kanpoan egindako luntx batekin bukatu zuten ospakizuna. Antolatzaileek jakinarazi dute giro onean pasa zutela eguna eta inork ez zuela minik hartu; "ondo eta pozik".
Abenduaren 29an, gaztetxoen arteko eskubaloi partiduak jokatuko dira udal pilotalekuan.