Gaztendankek gazteen parte-hartzea, sormena eta konpromiso soziala sustatzen ditu kultura eta aisialdi-jardueren bidez. Proiektuaren jarraipena bermatzeko, 2.000 boleto jarriko ditu salgai Ndank Ndank elkarteak, eta guztiek izango dute saria, opari ugari eta askotarikoak banatuko baitituzte.
Izan ere, Bergarako hainbat dendek, jatetxek, tabernek eta fisioterapia zentrok egin dituzte ekarpenak, eta Euskal Herri mailan ere hainbat proposamen jaso dituzte. Besteak beste, Bilboko Museo de las Ilusiones eta Jappy Gallery-renak, Donostiako La Perla eta Aquarium-enak, eta Debako Iparsurf enpresarenak.
Antolatzaileek adierazi dutenez, zozketarekin bildutako diru guztia Gaztendank proiektuaren finantzaketara bideratuko da, gazteei zuzendutako ekintza eta jarduerak garatzen jarraitzeko.