Grimm anaien Hamelingo Txirularia ipuin ospetsuan oinarritutako musikala taularatuko du BAM!-ek Donostiako Antzoki zaharrean, abenduaren 23an, bi pasetan: lehena 17:00etan, eta bigarrena 19:30etan.
Iñigo Casalí eta Iñaki Elizaldek 2008an egindako El Flautista de Hamelin gaztelaniazko musikalaren euskarazko bertsioa da talde artistiko bergararra eszenaratzen dabilena. Zuzeneko orkestrak, 30 aktorek eta 40 kantarik osatutako haur abesbatzak adin guztiei zuzenduriko magia, erritmoa eta emozioa uztartzen ditu.
Urtarrilaren 3an Iruñeko Gaiarre antzokian izango dira, gainera.
Donostiako emanaldirako sarrerak eskuragarri daude webgune honetan.