Aurreko zapatuan Angiozartarra esan eta izan Eguna ospatu ostean, Tokiko Entitate Txiki izateko urrats garrantzitsuena eman da Batzar Nagusietan. Foru Araua behin betiko onartuta, Angiozarrek Entitate izaera izango du. Hala, Gipuzkoan bost dira izaera hori duten auzoak: Ereñotzu, Igeldo, Itziar, Itsaso eta Angiozar.
Hiru abantaila
Zapatuko ekitaldian garbi utzi zuten "aspalditik" zegoela auzoan Angiozar Tokiko Entitate Txiki izendatzeko ideia. Gaurko egunez gauzatu den izendapen horrekin Angiozarrek hiru gauza irabaziko dituela azaldu zuten auzotarrekin egindako batzarrean: ordezkaritza eta onespen publikoa, eskuduntza eta aurrekontu propioak, eta inbertsioen aldiberekotasuna. "Debagoiena eta Urola bailaretan herri ugari daude udalerri baten parte direnak . Horregatik, izendapen hau Gipuzkoako herrien artean oinarrizko ekipamendu eta zerbitzuak bermatzeko modu ekitatiboago bat izango dela" adierazi zuen auzoko batzordekide Unai Asurmendik.