Gipuzkoako Odol-Emaileen Elkarteak Bergaran egin du gaur, zapatua, odol-emaileen urteko aitortza ekitaldia. Ohi bezala, herriz-herri antolatzen dituen saio horien bidez, odola ematen duten herritarren konpromisoa balioan jarri nahi izan du elkarteak.
Bergarako Arin Gunean elkartu dira aitortza egin eta diplomak banatzeko. Guztira hamalau lagun omendu dituzte. Urrezko diplomak jaso dituzte 50 aldiz odola eman dutenek; eta, zilarrezkoak, 25 aldiz eman dutenek. Halaber, trofeo bereziak ere banatu dituzte 60 eta 75 emanaldi egindako herritarrentzat.
Elkarteak nabarmendu du odol-ematea ezinbestekoa dela osasun sistemarako, eta Bergaran urteak daramatzan konpromiso sendoa eskertu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.