Goizeko hamarretan abiatu da saioa, parte-hartzaile guztiek batera beroketa ariketak eginez. Ondoren, dinamika eta jolas batzuk egin dituzte, entrenamenduari hasiera arin eta goxo emateko.
Jarraian, lau taldetan banatu eta partidei ekin diete. Futbola eta parte-hartzea izan dira ardatz nagusiak, eta, zelaian zein harmailetan, giro ona nagusitu da, une oro. Jardunaldia amaitzeko, talde argazkia atera dute.
Parte-hartzaileak askotariko adinetakoak izan dira, eta inklusioaren aldeko dinamika argia egon da zelaian. Harmailetan, berriz, familia eta lagunak bildu dira, jardunaldia gertutik jarraitzeko.
Bergara Kirol Elkarteko kideak jardun dira antolaketa lanetan.