Urte eta erdiko prozesu sortzailearen ostean, Kerobiak hamaika kantuz osatutako diskoa ondu du, eta, taldeko gidari Xabi Bandiniren arabera, "mimo handiz eta su txikian" landu dute. Diskoak hamaika gelako etxe bat du oinarri, abesti bakoitzeko gela bat, eta abestiek eguneroko egia bilatzeko bidaia bat proposatzen dute.
Promes batekin datoz
Abesti berriak "modurik naturalenean" datoz, artifiziorik gabe, non instrumentuen egurrak eta Xabi Bandiniren ahotsak 75 minutuz bibratuko duten. Kerobia disko, istorio eta ikuskizun berri batekin itzuli da, eta baita, diotenez, promes batekin ere: "Ahalik eta gauzarik ederrena eskaintzen saiatzea, txikia bada ere". Honako kide hauek osatzen dute Kerobia egun: Xabi Bandini(ahotsa, gitarra), Txus Aramburu (teklatuak), Alberto Isaba (baxua), Lur Larraza (gitarra) eta Eneko Requetibate (bateria).