Amodiozko gutunen lehiaketara aurkezteko oinarriak honako hauek dira:
-
2010ean edo lehenago jaiotako edozein pertsonak parte har dezake.
-
Jasotako lan guztiek jatorrizkoak izan beharko dute, argitaragabeak eta euskaraz idatziak. Hamar gutun aurkeztu ahali izango dira gehienez –baita aurreko urteetan sarituak izan ez diren gutunak ere–.
-
Lanek gutun forma izan beharko dute eta DIN A4 orritan, eskuz zein ordenagailuz idatzita aurkeztu ahal izango dira. Lanek ezingo dute izan bi orri baino gehiagoko luzera.
-
Posta arruntez bidaltzeko, egilearen datuak –izen-abizenak, jaiotze data, telefonoa, helbidea– kartazal txiki batean sartu, ondoren kartazal txiki hau eta gutuna kartazal handiago batean sartu eta bidali.
Posta elektronikoz bidaltzeko, gutuna fitxategi batean bidaliko da, gutuna izenarekin eta egilearen datuak, egilea izena duen beste fitxategi batean.
-
Gutunak honako helbide honetara bidali beharko dira:
Amodiozko Gutunen XXXIV. lehiaketa
Jardun Euskara Elkartea, Oxirondo plaza 2, 1. solairua 20570 Bergara – Gipuzkoa amodiozkogutunak@gmail.comInformazio gehiago eskuratzeko: www.jardun.eus webgunean edo telefonoz deitu: 943 76 36 61 eta 605 71 24 69.
-
Lanak bidaltzeko azken eguna 2026ko urtarrilaren 7a izango da.
- Sariak honako hauek izango dira:
- • 1. saria: 500 euro
- • 2. saria: 250 euro
- • Bergarar onenarendako saria: 150 euro.
- • 1999an edo beranduago jaiotakoen artean, gutun onenaren saria: 150 euro. Epaimahai gazteak emandako saria.
- Lehen aldiz parte hartzen dutenen artean gutun onenaren saria: 100 euro – parte hartzaileak datu pertsonalekin batera adierazi beharko du lehen aldiz parte hartzen duela–.
- Sari ematea, otsailaren 10ean, asteartea, San Balentin egunaren bueltan egingo da, Bergarako Seminarixoan, 19:00etan.
- Lan guztiak Jardun Euskara Elkartearen esku geratuko dira eta osorik zein zatika argitaratzeko aukera izango du, beti ere, egilea zein den garbi adieraziz.
- Lehiaketaren epaimahaia literatura eta kultura munduko pertsona ezagunek osatuko dute. Gazteen sarirako epaimahaia berriz, Bergarako ikastetxeetako ikaslez osatua egongo da.
Amodiozko esaldien lehiaketa
Hamargarrenez egingo den lehiaketaren oinarriak honako hauek dira:
- Edozein pertsonak parte har dezake.
- Mezu guztiek jatorrizkoak, argitaragabeak eta euskaraz idatziak izan beharko dute.
- Amodiozko esaldia –gehienez 10 esaldi– urtarrilaren 11a baino lehen bidali beharko da. Honako bideak erabili ahal izango dira: whatshappez edo mezuz 605 71 24 69 telefono zenbakira edo e-postaz: amodiozkogutunak@gmail.com.
- Saria izango da 100 euro. Epaimahai gazteak emango du.